Фронтовик Скрыбыкин Петр Давыдович ахтыыта.

 

Кыргыµыы үгэннээн турар кэмэ этэ. Үрэх кѳӊкүhэ сиргэ киирэн кэлбиппит. Икки ѳртүгэр уhун мастаах ойуурдаа5а, миигин кытта Бэрдьигэстээхтэн кэлбит Андреев Николай, Ларионов Конон уонна да атыттар бааллара. Немецтэр зенитканан күүстээх уоту аспыттара, снарядтар сиирэ-халты түспүттэрэ, тииттэри быhыта тэппиттэрэ. Буруо-күдэн, тыас-уус буола түспүтэ. Уолаттарбын ханна хаалтарын билбэккэ да5аны хаалтым. Атыттары батыhан үѳhэ тахсыбытым. Иннибитигэр подсолнечник киэӊ толооно кѳстѳрѳ, сорохтор онно киирэн сүтэн хаалтара. Мин онно барыах курдук гынан иhэн, контузия ылан охто сылдьар буолан хаалбыппын. Икки табаарыстарым кѳмѳлѳhѳѳрү кэлтэрин, ытыалааhын сэллээтэ5инэ, бэйэм барыам диэн буолбатым. Дьонум ааhа бара турбуттара. Миигиттэн чугас биир саллаат табыллан ѳлѳѳрү тыынын былдьаhан мѳхсѳ сытара. Кинини кѳрѳн баран саллыбытым. Буулдьа харса суох хаары сыыйара. Бу бириэмэ5э кэннибэр, 4 немец саллаата баар буола охсубута. Мин аргыый ѳндѳйѳн, бинтиэпкэбэр ѳйѳнѳн сүhүѳхпүн булунан эрдэхпинэ, кинилэр бокуойа суох мин үрдүбэр түстүлэр, охсуолаан, тэбиэлээн бардылар. Итинтэн ыла билиэн ылбыттара. Сарсыныгар эрдэ туруоран сатыы Чугуев куоракка үүрбүттэрэ. Хааман иhэн кѳрдѳххѳ дьахталлар, сорохторо о5олорун кѳтѳ5ѳ сылдьан, хаар күрдьэллэрэ. Биhиги туора-маары хаамтахпытына, сылайан ситимээри гыннахпытына, прикладынан охсуолаан ситиhиннэрэллэрэ. Мин эмиэ кырбаммытым. Саппыкыбын былдьаан баран алдьаммыт бачыыӊканы биэртэрэ, соломонон сѳрѳѳн кэппитим. Биhигини 225 №-дээх лаа5ырга тиэрдибиттэрэ. Айаммыт арыт сатыы, арыт поеhынан этэ, үгүс киһи аара ѳлѳрѳ. Кыайан хаампат буолбуту, туруор дылы илдьи кырбыыллара, соро5ун ытан кэбиhэллэрэ. Эрдэттэн бэлэмнэммит хатыылаах боробулуоханан быыс тардыллыбыт миэстэ5э киллэрбиттэрэ. Мантан күн аайы, сорох дьоммутун үүрэн таhаарар этилэр. Ханна илдьэллэрин билбэт этибит. Ким тахсыбата5ы маhынан үлтү кырбаан таhаараллара. Биир итинник кырбааhын кэнниттэн, мин табаарыстаспыт о5онньорум сүтэн хаалта. Бу лаа5ыртан, түгэнинэн туhанан о5олор лаа5ырдарыгар күрээн хаалтым. Дьолбор ким да билбэтэ5э. Онтон 6 о5ону, ол иhигэр миигин, фанернай фабрика5а илдьибиттэрэ. Онно сыл курдук сылдьыбытым. Күн аайы кэриэтэ, кими эмит буруйдаан таhыйыы баар буолара. 15-тэн 150-5э тиийэ оруосканан биэрэллэрэ. Биирдэ ыстарааптанан 2-с смена5а хаалларан үлэлэппиттэрэ, биир табаарыс уолум ыксаан, уута кэлэн миигин манатан баран нуктаан-утуйан ылбыта. Ол олорон мин утуйан хаалбыппын. Арай биирдэ тѳбѳ5ѳ охсуллууттан уhуктан кэлтим. Кѳрбүтүм дьуhуурунай кэлэн охсуолуу турар эбит. Саас этэ. Лаа5ырбыт аттыгар ытыалаhыы буолта. 6 танка кэлэн то5ута кѳтүтэлээн, лаа5ырбытын тэлэччи аhан, биhигини быыhаан ылбыттара.