Күндү ыалдьыт!

          Саӊа үйэ, саӊа кэрдиис кэм үүннэ. А5а дойду кѳмүскэлин иhин, бүттүүн Европаны фашизмтан босхолуур иhин аан дойдуну аймаабыт сэрии киhи аймах историятыгар буолан ааспыт сүүһүнэн сэриилэртэн биирдэстэрин эрэ быhыытынан биллэр кэммит кэлэн эрэр. Ол иhин сэрии тыынын этинэн-хаанынан билбит кѳлүѳнэ баарын тухары уонна эдэр кэнэ5эски ыччат сүрэ5эр иӊэриннэ5инэ бу сэрии хас биирдии киhи дуhатын тааарыйар буолуо5а.

Саха сиригэр снаряд, буомба эстибэтэ5э эрээри, саха сирин биир да ыалын, урууларын-аймахтарын тумнубата5а. Кыайыы ыарахан сыананан кэлбитэ. Республикабыт 62243 киhитэ фроӊӊа ыӊырыллыбытыттан 40-ча тыhыынча уолаттара кыргыhыы хонутугар хаалбыттара. Горнайтан 886 киhи ыӊырыллан барбытыттан 480 саллаат охсуhуу толоонугар охтубута, 168 сура5а суох сура5а суох сүппүтэ.

           Сэрии толоонугар сэриилэспит хорсун буойуннарга ѳйдѳбүнньүк туруорар үтүѳ үгэс олохтонно. Ол үгэhи сал5аан, ыраас санаанан салайтаран Улуу Кыайыы 70 сылын кѳрсѳ биhиги, Бэрдьигэстээх орто оскуолата, сайт оӊорон эhиги дьүүлгүтүгэр таhаардыбыт. Сайтпыт Горнайтан сэриигэ барбыт буойуннар, кинилэр бойобуой суолларын, киэӊник арыйан кэпсиэ5э. Уhулуччу хатарыылаах, дойдуларыгар бэриниилээх дьоннорбутунан киэн туттуохпут, кинилэр үтүѳ ааттарын сүрэхпитигэр иӊэриэхпит. Саллааттар ааттарын үйэтитиигэ бу биир сүрүн кылааппыт буолар.

          Эдэр ыччат, эн иннигэр хаhан да кыайан тѳлѳммѳт сүдү иэстээххин сүрэххэр сѳӊѳрдѳн кэриэстээ Албан ааттаахтары!